नेपाल मगर विद्यार्थी संघ पाल्पाको पाचौं जिल्ला अधिबेशन सम्पन्न अध्यक्षमा तिलक खाम्चामगर निर्विरोध चयन

प्रेम कान्छामगर
पाल्पा चैत्र १५
नेपाल मगर विद्यार्थी संघ जिल्ला समिति पाल्पाको अध्यक्षमा तिलक खाम्चा मगर निर्विरोध चयन हुनु भएको छ । पाल्पाको तानसेनमा सम्पन्न संघको पाचौ जिल्ला अबिधेशनले खाम्चा मगरलाई अध्यक्षमा चयन गरेको हो । अध्यक्ष पदको लागि उमेम्दवारी दिएका खाम्चा मगर र कृष्ण आले मगर मध्ये आलेमगरले नाम फिर्ता लिएपछि उहा निर्विरोध हुनु भएको हो ।

समितिको सवै पदमा निर्विरोध रुपमा पदाधिकारीहरु च्यन भएका छन् । आगामी १ वर्षको लागि चयन भएको यो कार्य समितिको उपाध्यक्षमा धनी सारुमगरसचिवमा टेकु ढेगामगर सहसचिवमा तेज बहादुर घर्तीमगर र कोषाध्यक्षमा विपना थापामगर सर्वसम्मतिले चुनिएका छन् । समितिको सदस्यहरुमा प्रेम कान्छामगर सृजना चिदीमगर सृजना कुवर मगर ओम बहादुर सारुमगर दुर्गा ढेंगामगर शमसेर सारुमगर सुन्दर थापामगर देवी खासुमगर राजु रानामगर र बम बहादुर रानामगर रहेका छन् । खाली रहेको २ वटा पदमा समावेशीलाई मध्यनजर गरी पदाधिकारीको छनौट गरिने निर्वाचन मण्डलका अध्यक्ष मोहन थापामगरले जानकारी गराउनु भयो । संघको बन्द सत्रले सचिव पवन सारुमगरले प्रस्तुत गर्नु भएको सांगठनिक प्रतिवेदन र कोषाध्यक्ष पुष्पा झेडीमगरले प्रस्तुत गर्नु भएको करीव २ लाख ३५ हजार रुपैया बराबरको आर्थिक प्रतिवेदनलाई पारित गरेको थियो । संघले जिल्ला समितिको दोस्रो र तेस्रो कार्यकलामा अध्यक्ष भई संगठनलाई फएको योगदानको कदर गर्दे पुर्व अध्यक्ष हरि बहादुर सारुमगरलाई कदर पत्र र खादाले सम्मान गरेको थियो ।
यस अघि भएको उद्घाटन शत्रमा बोल्दै प्रमुख अतिथि रिखिराम रानामगरले जातिय राज्य दिदा देश टुकि्रन्छ भन्नु दरिद्र मानसिकताको उपज मात्र भएको उल्लेख गर्नु भयो । उहाले जातिय जनसंख्याको आधारमा समानुपातिक अधिकार नदिएमा त्यसको विरोधमा नेपाल मगर विद्यार्थी संघले आवाज उठाउने बताउदै यसको लागि सवै विद्यार्थीहरु तयार रहन आग्रह गर्नु भयो । नेपाल मगर विद्यार्थी संघका केन्द्रिय बरिष्ठ उपाध्यक्ष समेत रहनु भएका रानामगरले मगर विद्यार्थी संघ विशुद्ध सामाजिक संस्था भएकोले संघमा आएर राजनिति नगर्न सवैलाई आग्रह गर्दै हक अधिकार सुनिश्चित गर्न मगरहरुले रानितिक सचेतना लिएर मात्र हुदैन राजनीतिमै होमिनु पर्छ भन्नु भयो । यस्तै विशिष्ट अतिथि नेपाल मगर संघका केन्द्रिय सदस्य मोहन थापामगरले नेपालमा हाल सम्म बनेका कुनैपनि संविधानहर मगर लगायत आदिबासी जनाजातिहरुको पक्षमा नरहेकोले अव बन्ने संविधानमा पनि यो क्रा दोहोरिन सक्ने भएकाले यसतर्फ सवै मगरहरु चनाखो भएर अघि बढ्नु पर्नेमा जोड दिनु भयो ।
उद्घाटन शत्रमा नेपाल मगर संघका केन्द्रिय सदस्य लालु रानामगर मगर विद्यार्थी संघका केन्द्रिय सदस्यहरु ह्रिता थापामगर र पुष्पा झेडीमगर नेपाल मगर संघका जिल्ला अध्यक्ष बल बहादुर रानामगर उपाध्यक्ष बल बहादुर गाहामगर आदिबासी जनजाति राष्ट्रिय समन्वय परिषद पाल्पाका उपाध्यक्ष ज्ञान बहादुर गाहामगर मगर विद्यार्थी संघका अन्चल उपाध्यक्ष सन्तोष थापामगर स्ववियू सभापति हरिबोल भट्टराई राजकुमार आलेमगर लालिसं थापामगर रन बहादुर रानामगर हरि बहादुर सारुमगर र टेकु ढेगामगर लगायतले मगरहरुको हकअधिकारलाई नया संविधानमा सुनिश्चित गराउन र शहीद लखन थापामगरलाई प्रथम शहिद घोषणा गर्न माग गरेका थिए । नेपाल मगर विद्यार्थी संघ जिल्ला समिति पाल्पाका अध्यक्ष दशरथ अस्लामीमगरको अध्यक्षता र सचिव पवन सारुमगरको सन्चालनमा कार्यक्रम सम्पन्न भएको थियो । अबिधेशनमा पाल्पा जिल्ला भित्रका विभिन्न क्याम्पसहरुमा गठित ईकाई समितिहरुका मगर विद्यार्थीहरु सहभागी भएका थिए ।